Јокиќ го испрати Џордан во историјата: Србинот сега има повеќе асистенции од „Летечкиот Мајкл“

Историска ноќ за српскиот ас: Никола Јокиќ го престигна Мајкл Џордан на вечната листа на асистенции

Центарот на Денвер Нагетс, Никола Јокиќ, испиша нова страница во НБА историјата за време на победата на неговиот тим против Шарлот Хорнетс (115:106). Со запишаните 11 асистенции на овој меч, Јокиќ стигна до вкупна бројка од 5.636 асистенции во кариерата. Со ова достигнување, тој официјално го престигна најголемиот на сите времиња, Мајкл Џордан (кој кариерата ја заврши со 5.633 асистенции) и се израмни со легендарниот плејмејкер Чонси Билапс.

Денвер гази, Мареј најефикасен, Јокиќ диригент

Иако Јокиќ беше во центарот на вниманието поради рекордот, тој одигра уште еден маестрален натпревар со 28 поени и 9 скока (на чекор до трипл-дабл). Најефикасен во редовите на Нагетс беше Џамал Мареј со 34 поени. Денвер имаше бавен старт и минимална негатива на полувремето (првата четвртина заврши 34:34), но со одлична игра во вториот дел и серија за предност од 14 поени, рутински го приведоа мечот до 17-та победа сезонава. Оваа партија доаѓа веднаш по спектакуларниот настап против Клиперс, каде Јокиќ постигна 55 поени.