Временска прогноза: Утрово магла и минус 6 степени, преку ден сончево до 13 степени

Сончево со мала до умерена локална облачност не очекува денеска, додека во утринските и претпладневните часови по одделни котлини и речни долини ќе има појава на магла.

Ќе дува слаб променлив ветер, а минималната температура ќе се движи во интервал од студени -6 до -2 степени. Во текот на денот ќе биде попријатно, со максимални температури од 8 до 13 степени.

Во главниот град Скопје, претпладнето ќе биде магливо, но подоцна се очекува сончево време со мала облачност. Утринската температура ќе се спушти до -5, а дневната ќе достигне 8 степени. Метеоролозите предвидуваат дека ваквото стабилно време, со појава на магла наутро и навечер и сончеви периоди преку ден, ќе се задржи до крајот на неделата.