Есенско освежување: Променливо облачно време со дожд и температури до 19 степени

Дневна прогноза и засилен северен ветер

Денеска во земјава ќе преовладува променливо облачно време, проследено со повремени локални врнежи од дожд. Според метеоролозите, ќе дува слаб до умерен ветер од северен правец, кој долж Повардарието повремено ќе засилува и ќе придонесе за чувство на постудено време.

Берово те очекува

A Airbnb ◎ Instagram

Минималните утрински температури ќе се движат во интервалот од 8 до 12 степени, додека максималните дневни ќе достигнат од 12 до 19 степени. Во главниот град Скопје времето ќе биде слично – променливо облачно со кратки сончеви периоди и услови за слаб локален дожд, со максимална дневна температура до 13 степени.

Нов бран врнежи следната недела

Според прогнозата на Управата за хидрометеоролошки работи (УХМР), утре попладне наместа повторно се очекуваат повремени врнежи од дожд, што ќе го задржи есенскиот амбиент во текот на викендот.

Од почетокот на следната работна седмица времето ќе продолжи да биде променливо облачно со сончеви периоди, но стабилноста ќе биде краткотрајна. Повеќе врнежи се најавуваат кон средината на седмицата, кога особено во западните делови од земјава ќе има пообилен дожд. Во тој период ќе дојде и до промена на воздушните струења, па ќе започне да дува умерен, а повремено и засилен ветер од јужен правец.

„Според прогнозата на Управата за хидрометеоролошки работи (УХМР), утре попладне наместа повторно се очекуваат повремени врнежи од дожд… Повеќе врнежи се најавуваат во средината на седмицата, кога особено во западните делови од земјава ќе има пообилен дожд.“