„Слаткото“ суштество е смртоносно: Експерт за антиквитети држеше во рака отровен октопод

Експертот за антиквитети Енди Меконел (72), познат од емисијата „Antiques Roadshow“, за влакно избегнал смрт за време на својот престој на Филипините.

Шетајќи по плажа, тој забележал мало „слатко“ суштество со кое си играле деца и решил да го земе во рака, без да знае дека држи едно од најсмртоносните животни на планетата – сино-прстенестиот октопод.

Овој вид октопод во своите плунковни жлезди носи тетродотоксин, моќен отров кој може да парализира и убие повеќе од 20 луѓе за само неколку минути. Опасноста е уште поголема бидејќи каснувањето често е безболно, па жртвите не сфаќаат дека се во смртна опасност додека не биде предоцна. Меконел дури подоцна ја дознал морничавата вистина, признавајќи дека иако истражувањето на светот носи ризик, ова било екстремно блиска средба со смртта за која не бил свесен.