Паника во Белград на вода: Пронајдена бомба од половина тон, наредена итна евакуација

Вонредна состојба во „Белград на вода“: Евакуација поради авионска бомба од 500 килограми

Жителите на елитната населба „Белград на вода“ (Beograd na vodi) се соочуваат со итна евакуација оваа недела. Припадниците на МВР на Србија в недела, на 28 декември, ќе извршат деликатна акција за отстранување на заостаната американска авионска бомба од Втората светска војна, пронајдена на градилиште во улицата „Николај Кравцов“. Станува збор за моделот „AN-M44“ , тежок дури 470 килограми, со 250 килограми експлозивно полнење, кој датира од сојузничкото бомбардирање во 1944 година.

Важно известување: Тргнете ги возилата до сабота навечер!

МВР издаде строги наредби: Сите возила од улиците околу ТЦ „Галерија“ мора да бидат отстранети најдоцна до сабота (27.12) до 22 часот, инаку ќе бидат преместени од „Паркинг сервис“. Граѓаните се повикуваат да ги напуштат становите во недела од 06:00 до 09:00 часот. Оние што не можат да излезат, мора да ги отворат прозорците, да ги спуштат ролетните и да се оддалечат од стаклата заради лична безбедност.