Рекордер: Берово е најстудениот град со -9 степени

Македонија утрово се разбуди окована во мраз. Како што беше најавено, поларниот бран ги спушти температурите длабоко под нулата.

Според утринските мерења, најстудено е во Берово, каде живата во термометарот покажа -9 степени. И во останатите делови од државата температурите се негативни, што доведе до формирање на слана и мраз, па доколку возите утрово, бидете исклучително внимателни поради лизгавите коловози.

Времето е ведро, што значи дека во текот на денот ќе имаме сонце, но тоа нема многу да помогне во загревањето, бидејќи студот е интензивен.