Анализа на хоророт: Евтината звучна изолација го претворила клубот во гасна комора

Смртоносна стапица: Зошто пожарот во Швајцарија се прошири толку брзо и уби 40 луѓе?

Истрагата за трагедијата во Кран-Монтана открива застрашувачки детали за тоа како новогодишната прослава се претворила во пекол за само неколку секунди. Клучниот фактор за високата смртност не се само прскалките, туку материјалот на таванот.

Europe has truly gone to shit.
The Switzerland fire started, what do you do? Run? Right?

No, better bring out our phones to film and dance, very fun………. pic.twitter.com/ogas1KHExD

— Jairo (@jairomsb) January 2, 2026

Кобната комбинација: Прскалки и „кутија за јајца“

Експертите за Би-Би-Си посочуваат дека таванот најверојатно бил обложен со звучна изолација од полиуретанска пена (т.н. „кутија за јајца“). Овој материјал, доколку не е хемиски третиран против пожар, е екстремно запалив.

На една од морничавите фотографии што ги анализира полицијата, се гледа лице со кацига и маска на Гај Фокс како седи на рамената на друго лице. Држејќи запалена прскалка високо во воздух, тие практично го допреле таванот. Искрите веднаш ја запалиле пената, која во вакви случаи гори со огромна брзина и капе врз луѓето, создавајќи огнена завеса која го блокира излезот.

Забавата продолжила додека таванот горел

Видеата потврдуваат дека гостите не ја сфатиле опасноста веднаш. Додека таванот веќе горел, гласната музика ечела, а луѓето снимале со телефоните. Кога почнале да бегаат кон скалите, веќе било предоцна за многумина бидејќи огнот го голтал просторот со неверојатна сила.