Трамп подготвен за војна со Данска?! Белата куќа потврди: „Воената опција за Гренланд е на маса“

ШОКАНТНО ОД БЕЛАТА КУЌА: „Подготвени сме да употребиме и војска за да го заземеме Гренланд!“

Светот е во неверување. Она што започна како бизнис понуда, прерасна во отворена воена закана меѓу НАТО сојузници. Белата куќа за Би-Би-Си официјално потврди: Американската војска е опција за преземање на Гренланд.

„Врховниот командант има право да нападне“

Портпаролот на Белата куќа беше брутално директен: „Претседателот разгледува низа опции за оваа важна надворешно-политичка цел. Користењето на американската војска е секогаш опција што му е на располагање на Врховниот командант.“

Европа на нозе: „Ова е крајот на НАТО“

Данската премиерка Мете Фредериксен веќе предупреди дека американски напад би значел крај на НАТО алијансата. Веднаш по заканата, седум европски сили (Велика Британија, Франција, Германија, Италија, Полска, Шпанија и Данска) излегоа со заедничка изјава:

„Гренланд не е објект, туку земја со свој народ. Повикуваме на почитување на суверенитетот. Безбедноста на Арктикот мора да се брани колективно, а не со напади меѓу сојузници.“

Заменик-шефот на кабинетот на Трамп, Стивен Милер, само долеа масло на огнот изјавувајќи за Си-Ен-Ен: „САД мора да бидат нацијата што го поседува Гренланд. Тоа е прашање на нашата национална безбедност.“