ТРАМП ЗАТЕКНАТ: Претседателот не знае дека американска ракета погодила училиште?

Напната атмосфера завладеа во Белата куќа откако американскиот претседател Доналд Трамп беше затекан со директно прашање за крвавиот напад врз училиште во Иран. Иако новиот воен извештај недвосмислено покажува дека цивилниот објект бил погоден од американска ракета, врховниот командант пред новинарите кратко одговори: „Не знам за тоа“. Овој ненадеен напад на амнезија доаѓа по серијата противречни изјави во кои Трамп првично го обвинуваше Техеран за самогранатирање, за потоа да ретерира пред доказите кои водат директно до Пентагон. Додека светот бара одговорност за страдањето на невините деца, претседателот се обидува дипломатски да весла низ матните води на воената истрага, оставајќи ја јавноста во шок од неговата очигледна неподготвеност да се соочи со последиците од операцијата „Епик Фури“.

Ракетата „Томахавк“ како непобитен доказ

Истрагата потврди дека училиштето било срамнето со земја од крстосувачка ракета од типот Tomahawk, технологија која е заштитен знак на американската морнарица. Иако Трамп се обиде да се извлече со тврдењето дека „многу земји имаат такви ракети“, фактите го демантираат – овој софистициран арсенал го поседуваат само САД, Британија и Австралија. Бидејќи само американските сили моментно извршуваат активни напади врз Иран, логичкиот круг околу вината на Вашингтон се стега со секој изминат час. Оваа воена грешка се заканува да стане најголемата дамка во актуелниот конфликт, претворајќи ја хуманитарната катастрофа во политички кошмар за администрацијата.

Цивилни жртви под превезот на „воена тајна“

Прашањето за моралната и правната одговорност на врховниот командант сега е во центарот на светското внимание, додека извештаите за цивилни жртви во иранското училиште будат бес кај меѓународната заедница. Трамп, кој досега се фалеше со хируршката прецизност на нападите, сега молчи пред доказите за колатерална штета која не може да се игнорира. Додека воената истрага продолжува да вади на површина непријатни детали, Белата куќа е под опсада од прашања – дали станува збор за стравична грешка во таргетирањето или за свесен ризик кој завршил фатално. Јавноста бара транспарентност, но одговорите од Овалната соба остануваат претерано штури и полни со контрадикции.

Q: A new report says that a military investigation has found that the US struck the school in Iran. As commander in chief, do you take responsibility?

TRUMP: For what?

Q: A strike on the school in Iran

TRUMP: I don't know about it pic.twitter.com/3YkYTIlBA5

— Aaron Rupar (@atrupar) March 11, 2026