Весна Љ.
Светот се наоѓа на самиот раб на глобална енергетска и воена катаклизма додека конфликтот на Блискиот Исток влегува во својата критична четврта недела. Иако од Вашингтон пристигнуваат сигнали за можни преговори, Техеран возвраќа со брутални деманти и закани кои ја држат меѓународната јавност во состојба на постојан шок. Доналд Трамп првично постави ултиматум од 48 часа за отворање на Ормускиот теснец, но сегашната игра на „жешко-ладно“ меѓу Белата куќа и иранскиот врв навестува дека исходот виси на само еден погрешен потег кој може да го запали целиот регион.
Островот Харг: Нафтеното срце на нишан
-
Петок
699 ден
524.25 ден
Првата и најексплозивна точка на мапата е островот Харг, минијатурно парче земја кое го контролира дури 90% од извозот на иранската нафта. Американската администрација веќе отворено се закани со напад врз овој терминал, потег кој би предизвикал моментален економски земјотрес ширум планетата. Уништувањето на Харг не само што би ја парализирало иранската економија, туку би ги вивнало цените на горивата до незамисливи височини, принудувајќи го Техеран на очајнички одмазднички удари врз соседните држави.
Втората критична точка е гасното поле Јужен Парс, каде Израел веќе повлече радикален потег со директен напад. Оваа област е клучна за глобалното снабдување со природен гас, а иранскиот одговор со гранатирање на инфраструктурата во Катар само потврди дека конфликтот повеќе не познава граници. Постојат сериозни индиции дека акциите на Бенјамин Нетанјаху се директно координирани со Белата куќа, што дополнително ја комплицира и онака затегнатата безбедносна ситуација под Персискиот Залив.
Блокада на светските сообраќајници
Ормускиот теснец останува третата и најстратешка точка низ која минуваат 20% од светските резерви на нафта. Иранската блокада веќе зароби стотици бродови, а одбивањето на моќните сојузници како Германија и Јапонија директно да интервенираат го остава Трамп во тешка позиција. Овој поморски коридор е претворен во дипломатски заложник, каде секој обид за насилно пробивање на блокадата може да резултира со тотална војна која би ја вшмукала цела Европа и Азија.
Последното, четврто жариште е Баб ел Мандеб во Црвеното Море, каде Иран се закани со прекин на пловидбата доколку дојде до копнена инвазија на Харг. Користејќи ги јеменските Хути како своја продолжена рака, Техеран има моќ целосно да ја прекине трговската рута меѓу Азија и Европа. Светот денес внимателно следи дали разумот ќе преовлада или овие четири критични точки ќе станат погребна песна за глобалниот мир и стабилност.
