Весна Љ.
Како најкомплексен за гаснење останува пожарот во општина Студеничани, над селото Рамни Габер. „Цел ден дејствуваат ‘ертракторите’, значително е намален поголем дел од горните краци, но потребно е уште многу работа за истиот да биде изгаснат,“ истакна Ангелов во својот извештај.
Битка за селата и опасни терени со експлозиви
-
La Linea v16
699 ден
524.25 ден
Сериозен предизвик претставува и пожарот во Општина Новаци, кај селата Маково и Црничани, каде гори ниска вегетација и деградирана шума.
„Очекувам во текот на денешниот ден овој пожар, кој се одвива на место каде што има неексплодирани убојни средства, да биде целосно совладан,“ посочи Ангелов, нагласувајќи го високиот ризик за пожарникарите на оваа локација.
Драма се одвива и во велешкото село Салм, каде пожарникарите водат директна битка за да ги заштитат куќите од пламените јазици. Директорот на ДЗС изрази уверување дека овој пожар ќе биде изгаснат до крајот на денот. Во струшко Делогожда, пак, огнената стихија зафатила голема површина, при што масовно на помош притекнало и локалното население.
Хеликоптери во акција и локализирани жаришта
Пожар попладнево избувнал и во атарот на селата Борино и Житоше во Крушево. Поради тешко пристапниот терен, таму е упатен полициски хеликоптер кој ќе полни вода од непосредна близина.
Позитивни вести доаѓаат од Македонски Брод, каде втор ден по ред 25 доброволни пожарникари и пет оперативци на ДЗС успешно воспоставуваат контрола над огнот во атарот на селото Драгов Дол. Во Куманово, кај Ново Сељање, гори стрниште, а се очекува брзо локализирање на пожарот.
