Весна Љ.
Главниот ирански преговарач Мохамед Багер Галибаф, во говор пренесуван на државната телевизија, беше дециден дека преминот ќе остане блокиран сѐ додека Вашингтон не го спроведе Меморандумот за разбирање.
Барањата на Техеран
-
Кафе пауза на месечината
699 ден
524.25 ден
Галибаф јасно ги наведе строгите услови кои Иран ги поставува пред меѓународната заедница и САД. За нормализирање на состојбата, Техеран бара:
- Укинување на американската блокада на иранските пристаништа;
- Деблокирање на замрзнатите ирански финансиски средства;
- Целосно укинување на ембаргото за извоз на нафта;
- Крај на воените операции на сите фронтови.
Набргу по почетокот на нападите на САД и Израел врз Иран на 28 февруари, Техеран де факто го затвори Ормускиот Теснец. Овој потег, кој е од клучно значење за глобалниот транспорт на нафта и течен природен гас, доведе до значително зголемување на цените на енергенсите на светските пазари. Иран во моментов дозволува премин само со посебна дозвола и наплата на такса.
Нерешен спор и нови закани од Трамп
И покрај тоа што во средината на јуни САД и Иран потпишаа рамковен договор (кој требаше да доведе до мировен договор во рок од 60 дена), спорот околу теснецот останува нерешен. Иран и соседниот Оман веќе со недели разговараат за идниот режим на пловидба низ оваа стратешки важна морска рута.
Според информациите на телевизијата „Фокс њуз“, американскиот претседател Доналд Трамп му се заканил на Султанатот Оман со воени напади доколку се спротивстави на договорот меѓу Вашингтон и Техеран. Воедно, Трамп побарал и целосна капитулација на Иран.
Одговорот од Техеран не изостана. Во својот говор, Галибаф порача дека Иран не подлегнува на притисоци и е „подготвен да му нанесе уште поразорен пораз на непријателот“.
