Весна Љ.
Неуспехот на преговорите значи дека САД ќе воведат драстични царини од 50 проценти за низа канадски производи. Овие мерки ќе опфатат стока во вредност од околу 28 милијарди американски долари, вклучувајќи вино, стапови за хокеј, мебел и млечни производи. Премиерот Карни експресно најави дека Канада ќе ги заштити своите работници и компании со тоа што ќе возврати реципрочно, со иста мера и на исто ниво.
Преговори до последен момент и меѓусебни обвинувања
-
Хемија
699 ден
524.25 ден
Трговскиот претставник на САД, Џејмисон Грир, преку социјалната мрежа Х обвини дека Канада ги прекршила претходно договорените услови. Од друга страна, Карни тврди дека американската страна во последен момент направила неправедни и економски неодржливи промени во предложените услови. Канадските преговарачи, кои интензивно работеле до истекот на рокот, веднаш биле повикани да се вратат во Отава.
„Наша цел отсекогаш била да го добиеме најдобриот можен договор за Канада, а не договор по секоја цена или во рамки на однапред утврден рок.“
Влошување на односите и удар врз помалите производители
Билатералните односи значително се влошија по враќањето на Трамп на власт, особено поради неговите закани и изјави дека Канада треба да стане 51-ва американска држава. Како првичен одговор, многу канадски провинции веќе ги отстранија американските алкохолни пијалоци од своите полици, повикувајќи на бојкот. Експертите предупредуваат дека за разлика од претходните царини кои целеа на челикот и алуминиумот, овој нов бран директно ќе ги погоди помалите производители, трговците на мало и потрошувачките брендови.
