Весна Љ.
Ручек со политички пораки и повик на борба
Во најновото видео, Вучиќ е прикажан во опуштена атмосфера како потпекува леб, сече домат и реди сувомесни производи и сирење, обидувајќи се да се претстави како обичен граѓанин. „За разлика од другите, јас сум човек од народот – едноставен, рурален тип“, нагласува тој додека го подготвува својот оброк.
-
La Linea v3
699 ден
524.25 ден
Овој навидум секојдневен чин е искористен како позадина за испраќање на сериозни политички пораки. Тој ги покани симпатизерите во партискиот штаб, најавувајќи жестока опозициска битка против, како што вели, „злото што ја уништува Србија“ и кое се заканува да предизвика хаос во земјата.
Један сасвим обичан дан у @sns_srbija. pic.twitter.com/2ZjqEcB0F6
— Александар Вучић (@avucic) November 3, 2026
Скромност во скапа облека
Сепак, обидот на поранешниот претседател да се поистовети со просечниот гласач не помина без критики и забелешки во јавноста. Медиумите веднаш го забележаа остриот контраст помеѓу неговите зборови и неговиот изглед.
Додека Вучиќ се декларираше како „едноставен човек од село“, модните анализи во српските медиуми покажаа дека фармерките што ги носи во видеото чинат помеѓу 900 и 1.200 евра, во зависност од конкретниот модел, што предизвика бурни реакции и потсмев на социјалните мрежи.
„Мило ми е што гледам толку прекрасни луѓе како доаѓаат овде, во својата партија. Ќе продолжиме вредно да работиме. Секој овде има можност да си направи сендвич. Сите се добредојдени – ајде да се бориме против ова големо зло што веќе започна“, порачува Вучиќ во видеото.
