Историска маса во Кина: Трамп, Путин и Шји Џинпинг на трилатерална средба за нуклеарното разоружување

Историска трилатерална средба на маргините на АПЕК

Според најавите од портпаролката на Белата куќа, Оливија Велс, тројцата светски лидери ќе се сретнат на маргините на самитот на Азиско-пацифичката економска соработка (АПЕК). Главна тема на средбата на најголемите нуклеарни сили ќе биде контролата и намалувањето на нуклеарното вооружување, кое американскиот претседател го смета за исклучително опасно за глобалната безбедност. На состанокот се очекува да се разговара и за Иран, додека војната во Украина нема да биде на агендата.

Берово те очекува

A Airbnb ◎ Instagram

Трамп ќе пристигне во Шенжен доцна в среда за дводневниот самит, а веќе во четврток ќе одржи билатерални разговори со кинескиот претседател Шји Џинпинг. Ова ќе биде нивна четврта средба откако Трамп се врати на претседателската функција во 2025 година. Посетата ќе биде заокружена со трилатералниот состанок меѓу лидерите на САД, Русија и Кина.

Обид за нов нуклеарен договор

Оваа средба доаѓа во критичен период за контролата на вооружувањето. Договорот за контрола на нуклеарното оружје меѓу САД и Русија истече во февруари, оставајќи ги најголемите светски нуклеарни арсенали без ограничувања, со што практично заврши соработката која помогна да се стави крај на Студената војна. И покрај повиците од Обединетите нации за итно договарање на нова рамка, Трамп претходно најави дека стариот договор сака да го замени со подобар и посеопфатен аранжман кој задолжително би ја вклучил и Кина.

Иако неименуван висок американски функционер изјави дека не се очекува потпишување на никаков формален договор по разговорите, самиот чин на преговарање претставува значаен дипломатски исчекор. Портпаролката Велс истакна дека оваа азиска турнеја на Трамп, која опфаќа и учество на самитот на АСЕАН на Филипините, ќе донесе историски победи и ќе ги унапреди американските интереси во Индо-Пацификот.

„Трамп на средбата меѓу другото ќе разговара за намалување на нуклеарното оружје во светот… Патувањето кое вклучува и учество на самитот на АСЕАН на Филипините ќе донесе историски победи за американскиот народ.“ — изјави портпаролката на Белата куќа, Оливија Велс.