Америка на нозе: Објавена снимката од убиството на Рене Гуд – агентот снимал и пукал истовремено!

(ВИДЕО) СТРАВИЧНА СНИМКА ОД ПРВО ЛИЦЕ: Агентот на ICE снимал со телефон додека ја убивал Рене Гуд – „Не сум лута, сè е во ред…“

САД се во шок откако Имиграциската служба (ICE) го објави видеото од мобилниот телефон на агентот Џонатан Рос. Снимката го прикажува моментот кога тој ја застрела 37-годишната Рене Гуд, мајка на три деца и американска државјанка, среде Минеаполис.

Последните зборови: „Оди на ручек“

На видеото кое трае 37 секунди, ситуацијата делува бизарно мирна пред да ескалира.

Рене му вели на агентот: „Сè е во ред, не ти се лутам“, додека на задното седиште се гледа нејзиното куче.

Нејзината сопруга, Ребека, од совозачкото место довикува: „Ние сме граѓанки на САД. Оди на ручек!“, обидувајќи се да ја смири ситуацијата и да заминат.

Три истрели и удар во паркирани возила

Кога Рене се обидува да го стартува автомобилот и да маневрира за да избега, агентот Рос наредува да излезе. Таа одбива.

Во тој момент, додека во едната рака го држи телефонот, агентот испукува три куршуми. Самиот чин не се гледа бидејќи камерата се крева нагоре, но се слушаат истрелите, по што автомобилот неконтролирано забрзува и удира во паркирани возила.

Одбраната на Џеј Ди Венс: „Агентот има траума“

Додека јавноста обвинува за брутална и прекумерна сила, властите го бранат агентот.

Потпретседателот на САД, Џеј Ди Венс, изјави дека истиот агент пред шест месеци бил влечен од автомобил при слично апсење и добил 33 конци, па затоа сега реагирал инстинктивно за да си го спаси животот.

Минеаполис е под опсада на Националната гарда, а оваа снимка се очекува да предизвика нови масовни протести викендов.