Весна Љ.
Саудиската коалиција изврши воздушни напади врз позиции на Хутите во Јемен, како одговор на нивната поморска блокада и неодамнешните напади врз саудиски бродови во Црвеното Море.
-
Dolce & Kafana
699 ден
524.25 ден
Меѓу погодените цели биле локации во пристанишниот град Ходеида и на островот Камаран. Коалицијата соопшти дека биле уништени објекти што претставувале опасност за комерцијалната пловидба.
Само неколку часа подоцна, медиумската мрежа на Хутите, Ансаролах, објави дека бил извршен ракетен напад врз саудискиот град Џизан, во близина на границата со Јемен.
Според нивното соопштение, нападот предизвикал пожари во градот. Саудиските власти претходно издадоа краткотрајни предупредувања за можна опасност во Џизан и Јанбу, но веднаш не објавија детали за евентуална штета или жртви.
Houthi missiles reportedly struck Saudi Arabia's Jizan region. pic.twitter.com/D74oJdmouY
— Clash Report (@clashreport) July 25, 2026
Хутите најавуваат нов одговор
Ансаролах ги оцени саудиските напади врз Ходеида и Камаран како „опасна ескалација“ и порача дека тие нема да останат без одговор.
Новата размена на оган доаѓа откако Хутите прогласија поморска блокада против Саудиска Арабија и презедоа одговорност за напади врз два танкери што превезувале саудиска нафта.
Саудиска Арабија потврди дека еден од бродовите бил погоден и дека на него избувнал пожар, но екипажот останал безбеден.
Заканите дополнително го зголемија ризикот во теснецот Баб ел-Мандеб, една од најважните поморски точки за транспорт на нафта меѓу Црвеното Море и Аденскиот Залив.
Американската војска онеспособила танкер
Паралелно со ескалацијата во Јемен, американската војска соопшти дека во Оманскиот Залив онеспособила танкер што наводно повеќепати се обидел да ја пробие американската блокада на иранските пристаништа.
Според Централната команда на САД, екипажот бил предупреден неколкупати, но не ги почитувал наредбите. Американските сили потоа пукале во машинскиот дел на бродот, по што тој повеќе не можел да продолжи кон Иран.
Во исто време, Техеран соопшти дека извршил напади со беспилотни летала и ракети врз американски воени објекти во неколку земји на Блискиот Исток, како одговор на продолжените американски напади врз Иран.
Video footage allegedly showing the impact of an Iranian short-range ballistic missile earlier near the Headquarters of the U.S. Navy’s 5th Fleet in Manama, Bahrain. pic.twitter.com/m3iZy2KYYE
— OSINTdefender (@sentdefender) July 24, 2026
Трамп се заканува, но разговорите продолжуваат
Американскиот претседател Доналд Трамп изјави дека Вашингтон продолжува да разговара со Техеран, но предупреди дека американската армија е подготвена за многу посилен напад доколку преговорите пропаднат.
Трамп оцени дека Иран покажува поголема сериозност во разговорите, но нагласи дека тоа не е гаранција оти ќе биде постигнат договор.
Тој порача дека постојат две можности – продолжување и засилување на воените операции или постигнување договор што би ја запрел ескалацијата.
Цената на нафтата повторно над 100 долари
Заканите за пловидбата во Црвеното Море и Ормускиот теснец предизвикаа нови потреси на енергетските пазари. Цената на нафтата Брент во четвртокот повторно се искачи над 100 долари за барел.
Во петокот цената се повлече за речиси четири долари, на околу 96,70 долари, откако два кинески супертанкери што превезувале саудиска нафта успешно го преминаа Баб ел-Мандеб.
Сепак, повеќе бродски компании веќе ги пренасочуваат танкерите преку Суецкиот Канал и околу Африка. Подолгата маршрута може да го продолжи патувањето за речиси еден месец и значително да ги зголеми трошоците за транспорт.
Оман повторно се вклучува во преговорите
Иранската државна агенција ИРНА објави дека делегација од Оман пристигнала во Техеран на разговори за безбедноста и механизмите за пловидба низ Ормускиот теснец.
Оман подолго време се обидува да посредува меѓу Иран и западните држави, додека паралелната нестабилност во Ормускиот теснец и Баб ел-Мандеб се заканува да ги наруши двете најважни маршрути за извоз на нафта од регионот.
