Вирален хит од ОН: Зеленски со брутален одговор до руски новинар кој го праша кога ќе оди во Москва

Брутален одговор за рускиот новинар

Додека Зеленски со својата делегација минуваше покрај новинарските екипи, рускиот дописник Валентин Богданов во неколку наврати провокативно го праша кога планира да отпатува во Москва. Откако првично го игнорираше прашањето и продолжи да се движи, украинскиот претседател на момент ја покри устата со раката и на руски јазик му врати:

„На ракета, е*ате.“

Снимката од овој несекојдневен дипломатски инцидент за рекордно време се прошири низ социјалните мрежи и светските медиуми, предизвикувајќи лавина реакции во период кога повторно се шпекулира за можноста за директни преговори меѓу Киев и Москва.

While entering the UN headquarters in New York, Ukrainian President Zelensky was approached by journalists from the Russian VESTI state-owned media outlet and asked when is he planning to visit Moscow.

After walking away a few steps, Zelensky covered his mouth with his hand and… pic.twitter.com/EQPWPYqn72

— Status-6 (War & Military News) (@Archer83Able) September 23, 2026

Средба со Трамп и заштита на енергетскиот сектор

Во сенка на овој вирален момент, Зеленски на маргините на Генералното собрание оствари клучна средба со американскиот претседател Доналд Трамп. Според официјалниот кабинет на Зеленски, фокусот на разговорите биле можните чекори за деескалација и прекин на меѓусебните напади врз енергетската инфраструктура.

Зеленски јасно ставил до знаење дека Украина е подготвена да ги запре нападите врз руската енергетска и извозна инфраструктура, под услов Москва да го стори истото. Дополнително, на средбата се разговарало за итно зајакнување на украинската противвоздушна одбрана пред претстојната зима, при што Киев побарал дополнителни американски системи „Патриот“, ракети-пресретнувачи и можност за нивно локално производство во Украина.