Гатачка ѝ кажала дека ја изневерува, тој ја пријавил сопругата во полиција

Една Кинеска го обвинила својот сопруг за неверство исклучиво врз основа на онлајн пророштво, во кое гатачката тврдела дека нејзиниот партнер посетувал проститутки и престојувал во хотели со други жени.

Тоа го навело сопругот да ја повика полицијата во обид да ја тргне љагата од своето име. Инцидентот го привлече вниманието на јавноста откако беше објавено дека жената платила 500 јуани (70 долари) за онлајн сеанса.

„Потрошила 500 јуани… ‘мајсторот’ ја информирал дека нејзиниот сопруг има афера. Бидејќи веќе платила, таа верувала дека толкувањето мора да е точно“, изјавил полицаецот Жао Сингју.

„Животот ми е неподнослив, таа постојано ѝ се јавува на гатачката“

Сопругот, чувствувајќи се неправедно обвинет, побарал помош од полицијата, повторувајќи дека нивниот брак станал неподнослив. „Таа постојано ѝ се јавува на оваа гатачка од рано наутро. Ѝ реков дека повеќе не можам да издржам“, изјавил тој. Полицијата на крајот ја критикувала жената за нејзиното суеверно однесување и помогнала во решавањето на конфликтот.

Повеќе од само една измамена жена

Случајот предизвика жива дискусија, но не е единствен. Во сличен случај, жена со презиме Чаи исто така поверувала на гатачка која тврдела дека нејзиниот сопруг е неверен – тврдење кое подоцна се покажало како точно. Меѓутоа, откако се развела и добила 126.000 долари отштета, на крајот истата гатачка ја измамила за поголемиот дел од парите.