Епстајн досиејата отворени: Што бараат Бил Клинтон и Мајкл Џексон на фотографиите?

Нови документи за Епстајн ја тресат јавноста: Клинтон и Мајкл Џексон меѓу споменатите имиња

Министерството за правда на САД објави илјадници нови страници од досието на озлогласениот сексуален престапник Џефри Епстајн. Меѓу материјалите се наоѓаат и фотографии на кои, иако делумно цензурирани, јасно се препознаваат ликовите на поранешниот претседател Бил Клинтон и поп-иконата Мајкл Џексон. Овој потег предизвика бура во јавноста, особено поради фактот што голем дел од клучните докази остануваат скриени.

Стотици страници целосно „зацрнети“

Иако документите се официјално објавени, најмалку 550 страници се целосно редактирани и недостапни за читање, вклучувајќи и записници поврзани со соработничката на Епстајн, Гислен Максвел. Од Министерството тврдат дека масовната цензура е неопходна за да се заштитат идентитетите на жртвите и да не се загрозат тековните истраги, процес на кој работеле повеќе од 200 адвокати.