Жештината не попушта: До 39 степени, попладне можни грмежи

Сончево и многу топло време со мала до умерена локална облачност ќе преовладува низ земјава. Максималната температура ќе достигне од 33 до 39 степени, додека утринските вредности ќе се движат меѓу 11 и 22 степени.

Во попладневните часови, главно во планинските региони, ќе има услови за краткотраен дожд и ретка појава на грмежи. Ќе дува слаб до умерен ветер од променлив правец.

Во Скопје до 38 степени

Во Скопје ќе биде сончево и многу топло, со мала до умерена облачност. Ќе дува слаб до умерен ветер од северозападен правец.

Минималната температура во главниот град ќе се спушти до 17 степени, а дневната ќе достигне до 38 степени.

Жештината продолжува, локално можни поројни врнежи

Периодот на сончево и многу топло време ќе продолжи и во следните денови. Во некои места дневната температура ќе се искачи до 40 Целзиусови степени.

Попладне ќе постојат услови за локален развој на нестабилна облачност, проследена со краткотраен пороен дожд и грмежи.