„Злато и милиони во сеф во Белград“: Каде завршиле украдените пари од РЕК Битола?

Криминал „тежок“ 1,7 милиони евра во РЕК Битола: Обвинети директори и бизнисмени за наместен тендер

Основното јавно обвинителство Битола поднесе обвинение против осум физички и едно правно лице за тешки злоупотреби во РЕК Битола. Петмина од обвинетите (директори и раководители) се теретат дека во 2023 година наместиле тендер вреден над 100 милиони денари за дислокација на опрема од рудникот „Осломеј“. Истрагата покажала дека системот бил технолошки несоодветен и непотребен за РЕК Битола, а целта била само да се испумпаат пари за фаворизирана фирма.

Наплаќале за незвршена работа, парите ги криеле во сефови во Белград

Скандалот добива меѓународни димензии. Обвинетите потпишувале лажни документи дека работата е завршена, иако опремата стоела расфрлана низ комбинатот. ОЈО Битола успеа да лоцира и замрзне голем имот: 1,2 милиони евра, злато и швајцарски франци биле најдени во банкарски сеф во Белград, додека во домашни банки се блокирани над 500.000 евра. Замрзнати се и 10 камиони купени во Србија. За првоосомничениот сопственик на фирмата е побарано продолжување на притворот поради ризик од бегство.