Македонија очекува нов бран снег – еве кога почнуваат врнежите

Според Управата за хидрометеоролошки работи (УХМР), од денес па до петок, времето во Македонија ќе биде претежно облачно, со повремени врнежи од дожд и снег на повисоките места. Најсилните врнежи се предвидени за четврток, кога се очекува да паднат над 20 литри дожд на метар квадратен во некои делови од земјата.

Продорот на студена воздушна маса од север ќе предизвика врнежите на планините и повисоките места да преминат во снег, а има шанси и за формирање на снежна покривка. За време на врнежите ќе дува умерен до засилен северен ветер, особено интензивен во петок.