МАКЕДОНСКИ ТАЛЕНТИ БЛЕСНАА ВО ЉУБЉАНА: Две бронзи на олимпијадата по ВИ

Македонските средношколци освоија две бронзени медали на втората Интернационална олимпијада по вештачка интелигенција (ИОВИ 2026), одржана во Љубљана

На натпреварот учествуваа 95 ученици од 24 држави, кои се соочија со сложени задачи од областа на алгоритмите, машинското учење и анализа на податоци. Олимпијадата претставува брзорастечка меѓународна иницијатива насочена кон развој на млади таленти во современата информатика.

Медали за Рујаноски и Ангелов

Бронзените медали ги освоија Благој Рујаноски Стојановски од гимназијата „Мирче Ацев“ во Прилеп и Андреј Ангелов од Математичко-информатичката гимназија во Скопје. Тимот го сочинуваа и Филип Калкашлиев и Тодор Пљаков, под менторство на Емил Станков и Димитар Милески од ФИНКИ.

Потврда за квалитетот на македонската школа

Според претставниците на Здружението на информатичарите на Македонија, успехот е резултат на долгогодишна посветена работа во развојот на таленти во областа на вештачката интелигенција. Следната олимпијада ќе се одржи во 2027 година во Виетнам.