„Можеше да ја одлежиш казната, тоа малку што ти го дадоа“: Заев без ракавици кон Груевски

„Тебе ти е досадно, нели?“: Заев со жесток контранапад до Груевски – „Да се мешав во судството, ќе добиеше многу поголема казна!“

Поранешниот премиер Зоран Заев експресно и оштро му одговори на Никола Груевски преку Фејсбук, обвинувајќи го дека од „далечина“ се обидува да ја контролира партијата и да дели задачи на функционерите на ВМРО-ДПМНЕ бидејќи „не знае што да прави со себе“. Заев му порача на својот претходник дека направил грешка што избегал, бидејќи ако останел и ја одлежел казната („тоа малку што ти го дадоа“), денес ќе можел достоинствено да говори пред македонската јавност. Заев потенцираше: „Да бев јас некој друг и да се мешав во правосудството, ти ќе добиеше многу повеќе“, оградувајќи се од методите на владеење на Груевски.

„Се капеш во украдени пари, научи ли гулаш да правиш?“

Во својот статус, Заев не штедеше иронија и лични квалификации. Тој го нарече Груевски „неуспешен и поразен боксер“ кој се „капе во украдените пари на граѓаните“, додека за себе тврди дека ужива во политичката пензија и чесно работи. Заев му предложи на Груевски да си најде хоби додека „се разубавува“ во Унгарија, прашувајќи го цинично: „Научи ли гулаш да правиш?“. На крајот, категорично ги демантираше обвинувањата за бизнис со Русија со зборовите: „Јас жеден да сум, Русија капка вода нема да ми даде“, и го заврши обраќањето со поздрав на руски: „До свидания Никола“.