Прегазен пешак во Марино – 78-годишник починал на лице место

На 2 ноември 2024 година, во 17:25 часот, на крстосницата на улиците „500“ и „401“ во село Марино, скопско, се случила трагична сообраќајна несреќа во која 78-годишниот пешак В.Н. од село Марино загинал на лице место. Според пријавата во СВР Скопје, возачот на возилото „Хонда Цивик“ со скопски регистарски ознаки, управувано од 46-годишниот И.С. од населба Илинден, удрил во пешакот и веднаш го напуштил местото на настанот.

На местото на несреќата пристигнал лекар од Итната медицинска помош, кој ја констатирал смртта на В.Н. По насоки од јавен обвинител, телото било предадено на обдукција. Полициските службеници од Полициското одделение Петровец, со брза интервенција, го пронашле возачот и сопственикот на возилото.

По целосното документирање на случајот, против возачот ќе следува соодветен поднесок.