Весна Љ.
„САКАТЕ ВОЈНА? ЌЕ ЈА ДОБИЕТЕ“: Медведев со видео од хиперсоничниот „Орешник“ се закани на „европските глупаци“
Реториката меѓу Русија и Европа вечерва го достигна точката на вриење. Поранешниот руски претседател и сегашен заменик-претседател на Советот за безбедност, Дмитриј Медведев, објави застрашувачко видео од дејството на ракетата „Орешник“ и упати директна закана до европските лидери.
„Микрон“ и „европските глупаци“
-
Кафе и пиво
699 ден
524.25 ден
Во својата објава на мрежата „Икс“, Медведев не бираше зборови. Тој директно го нападна францускиот претседател Емануел Макрон, нарекувајќи го „Микрон“, и ги обвини европските политичари дека свесно ја туркаат континетот во директен воен судир со Русија.
„Европските владејачки глупаци изгледа навистина сакаат војна. Илјада пати е кажано: Русија нема да прифати НАТО војници во Украина. Сакате војна? Еве што ќе добиете“, напиша Медведев под видеото.
„Орешник“ на прагот на НАТО
Заканата доаѓа само еден ден откако Русија за вторпат ја употреби оваа ракета во Украина, овојпат гаѓајќи цели кај Лвив – на само 60-тина километри од границата со Полска (НАТО).
Ракетата „Орешник“ е опишана како хиперсонично оружје кое лета со брзина од 10 маха (13.000 км/ч) и според Москва, е невозможно да се пресретне со сегашните западни системи за ПВО.
The ruling European dimwits want a war in Europe after all. It’s been said a thousand times: Russia won’t accept any European or NATO troops in Ukraine, but no, Micron keeps peddling this pathetic bullshit. Well, come on then. This is what you’ll get: pic.twitter.com/6XqMMn2ILP
— Dmitry Medvedev (@MedvedevRussiaE) January 10, 2026
Одмазда за Путин?
Москва тврди дека овие напади се „одмазднички удари“ за наводниот обид за напад со дронови врз една од резиденциите на Владимир Путин во декември. Додека Киев ги отфрла овие обвинувања како фабрикувани за да се оправда ескалацијата, Медведев јасно порача дека Русија нема да се повлече пред најавите за испраќање европски мировници или трупи во Украина.
