Весна Љ.
Ѓорѓиевски и Мицкоски на увид: Засилена динамика на булеварот „Македонија“ и прва подземна сообраќајница во Скопје
Градоначалникот на Град Скопје, Орце Ѓорѓиевски, и премиерот Христијан Мицкоски извршија теренски увид во градежните активности на булеварот „Македонија“, каде се реализира проектот за прва подземна сообраќајница во главниот град. Според објавените информации, работите се одвиваат со засилена динамика, а механизацијата е активна и во вечерните часови за да се избегнат дополнителни гужви.
Реконструкција, проширување и нов сообраќаен режим
-
Апсана
699 ден
524.25 ден
Во рамки на првата фаза се врши реконструкција и рехабилитација на постојниот коловоз, како и проширување на одделни ленти за подобрување на проточноста. Проектот ги опфаќа булеварот „Борис Трајковски“, улиците „11 Октомври“ и „Пролет“, како и крак од булеварот „Македонија“.
Предвидено е проширување на улицата „Пролет“, уредување на раскрсници со безбедносни острови и воведување еднонасочен режим на одредени потези. На раскрсницата меѓу булеварот „Борис Трајковски“ и улицата „11 Октомври“ ќе бидат поставени нови, современи семафори.
Шест ленти и атмосферска канализација
Подземната сообраќајница ќе има шест ленти – четири за двосмерен сообраќај и две за јавен превоз, како и пешачки патеки. Паралелно се изведува атмосферска канализација со повеќе од 60 шахти и сливници, со цел подобра одводна и одржлива инфраструктура.
Во следните фази се планирани и кружни текови кај „Нова Македонија“, како и проширување на булеварот „Св. Кирил и Методиј“. Со реализацијата на проектот се очекува намалување на метежот и поефикасно движење низ централното градско подрачје.
