во

АМСМ: Метеж на терминалот Блаце – товарниот сообраќај пренасочен кон бензинската „Дизел“

Сообраќајот на државните патишта се одвива непречено, по влажни коловози. Од АМСМ информираат дека утрово во 07:15 часот, поради поголем метеж на терминалот Блаце, товарниот сообраќај е пренасочен од граничниот премин Блаце кон бензинската „Дизел“.

Состојба на граничните премини и затворени делници

Интензитетот на сообраќај на патните правци надвор од градските средини е умерен. На граничните премини од македонска страна засега нема подолги задржувања за влез и излез од државата.

Берово те очекува
Pine & Co. – сместување во Берово, Македонија

Од Авто-мото сојузот потсетуваат дека од 17 ноември патниот правец Охрид – Ресен преку Националниот парк Галичица е затворен за сообраќај за сите видови возила.

Задолжителна зимска опрема и опасност од одрони

Возачите треба да имаат предвид дека од 15 ноември 2026 година започна законската обврска за задолжително поседување зимска опрема во возилата, без оглед на моменталната временска состојба, а оваа обврска ќе трае до 15 март 2027 година.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде што постои можност од појава на одрони. Предупредувањето особено се однесува на делниците Катланово – Велес, Маврово – Дебар – Струга, Виница – Берово и Кочани – Делчево.

„Утрово во 07:15 часот поради поголем метеж на терминал Блаце, товарниот сообраќај е пренасочен од ГП Блаце кон бензинската ’Дизел‘. На граничните премини од македонска страна нема подолги задржувања за влез и излез од државата“, соопштија од АМСМ.

Кул Маици - Попуст -25%

Напишете коментар

Вашата адреса за е-пошта нема да биде објавена. Задолжителните полиња се означени со *

Денеска мирен протест на плоштадот во Охрид: Граѓаните креваат глас против фемицидот и институционалното непостапување

Итен апел од МВР до родителите: Внимавајте на опасната онлајн мрежа „764“ која со уцени ги принудува децата на самоповредување!