Весна Љ.
Исхраната и тежината како сојузници на зглобовите
Ревматологот д-р Елејн Хусни од реномираната клиника во Кливленд истакнува дека поздравата исхрана, одржувањето на соодветна телесна тежина и приспособената физичка активност се клучен дел од третманот на остеоартритисот. Кај лицата со вишок килограми, намалувањето на тежината може значително да ги растовари зглобовите, особено колената и колковите.
-
Џаст До Ит!
699 ден
524.25 ден
Д-р Хусни препорачува во исхраната да доминираат немасни извори на протеини, овошје и зеленчук. Овие намирници обезбедуваат хранливи материи и помагаат во одржувањето на здрава тежина. Сепак, советите за слабеење важат само за оние кои имаат реална потреба од тоа – исхраната треба да биде урамнотежена, а не базирана на строги диети.
Зошто движењето не треба да се избегнува?
Една од најчестите заблуди е дека секое придвижување на болниот зглоб нужно го влошува артритисот. Напротив, соодветната активност помага во зачувување на подвижноста. Тоа не значи дека треба да вежбате преку границата на болката, туку да го приспособите интензитетот. За почеток се препорачуваат:
- Пократки прошетки на рамен терен.
- Лесни вежби за подобрување на подвижноста.
- Вежби во вода (хидротерапија), бидејќи потисокот на водата го намалува оптоварувањето на телото.
- Јога на столче за лица на кои им е тешко долго да стојат.
„Животот со артритис не мора да значи откажување од движењето. Најважно е да пронајдете мерка која му одговара на вашето тело, без да се форсирате преку границата на болката“, советуваат експертите, потсетувајќи дека пред воведувањето на нова активност секогаш треба да се консултирате со лекар.
