ВЛЕН УДРИ ПО ДУИ: Две години молчевте за Лотарија, а сега барате меѓународен надзор!

Според ВЛЕН, крајно симптоматично е што партијата избегнува да го спомене името на нивниот висок функционер. „На ДУИ ѝ е срам да го спомене по име Артан Груби, иако нивната реакција директно се однесува на случајот за кој тој е обвинет“, порачуваат од коалицијата, оценувајќи го ова како врв на лицемерието.

Топовско месо и ендемска корупција

Берово те очекува

A Airbnb ◎ Instagram

Од владејачката коалиција ВЛЕН обвинуваат дека ДУИ ги користи своите кадри исклучиво за партиски интереси. „Ги користат како топовско месо за своите политики, но им е срам дури и да им го споменат името кога ќе се соочат со правдата“, стои во реакцијата.

„Списокот на афери и обвиненија поврзани со функционери на ДУИ е толку долг, што дури и нашиот стратешки партнер, САД, јавно зборуваше за „ендемска корупција“ и презеде конкретни мерки против фигури од оваа партија.“

Законот не препознава привилегии

Од ВЛЕН се децидни дека правдата конечно ќе ги стигне сите, особено оние кои две децении ја злоупотребувале власта и државните функции за да си ги полнат сопствените џебови. Законот повеќе не признава партиски фотелји, политички штитови и привилегии – правдата мора да биде еднаква за сите, заклучуваат од ВЛЕН.