„Златното време на Америка“: Трамп со рекордно најдолг говор во Конгресот

Американскиот претседател Доналд Трамп одржа рекордно најдолг говор за состојбата на нацијата, кој траеше 1 час и 48 минути

Со тоа го надмина сопствениот рекорд од минатата година и постави нов преседан во последните најмалку 60 години, според податоците на проектот за американското претседателство. Обраќањето беше исполнето со аплаузи, остри критики и политички пораки.

„Ова е златното време на Америка“

На почетокот од говорот, Трамп изјави дека нацијата се вратила „поголема, посилна и подобра од порано“. Тој зборуваше за економскиот раст, намалениот број имигранти и распоредувањето на Националната гарда во американските градови.

Во текот на говорот ги пофали и агентите на ИЦЕ, а ја критикуваше одлуката на Врховниот суд со која беа поништени неговите царински мерки.

Поделена сала и силни реакции

Републиканците го следеа со овации, додека демократите реагираа со негодување. Во еден од најжешките моменти, Трамп ги повика присутните да застанат во поддршка на заштитата на американските граѓани.

Обраќањето дојде во период кога дел од анкетите покажуваат дека многу Американци сметаат дека земјата е во полоша состојба отколку пред една година. Сепак, Трамп порача дека неговата администрација постигнала „пресврт за сите времиња“.