ИТЕН АПЕЛ ДО МАКЕДОНЦИТЕ ВО ИЗРАЕЛ: Воздушниот простор затворен

Министерството за надворешни работи и надворешна трговија апелира до македонските државјани во Израел внимателно да ги следат официјалните упатства, додека воздушниот простор е затворен за цивилни летови

Според информациите од Амбасадата во Тел Авив, сите комерцијални влезни и излезни летови се суспендирани до понатамошно известување. Граѓаните се повикуваат да останат во или во близина на заштитени простори и да ги следат известувањата на израелската Команда на домашниот фронт.

Апел за воздржаност од патувања

МНР им препорачува на македонските државјани да се воздржат од патувања кон земјите од регионот сè до стабилизирање на безбедносната состојба. Летовите моментално се откажани, а обновувањето на редовниот сообраќај засега не е најавено.

Контакти за итна помош

Во случај на потреба од помош, достапни се следните контакти:

Амбасада на Република Северна Македонија во Тел Авив
Тел: +972 54 500 8566
Тел: +972 54 967 0546
Е-пошта: [email protected]

Министерство за надворешни работи и надворешна трговија
Тел: +389 75 273 732 / +389 75 268 736
Е-пошта: [email protected]

Надлежните институции информираат дека континуирано ја следат состојбата и ќе ја известуваат јавноста за понатамошниот развој.