Весна Љ.
Осомничена за смртна несреќа третирана како „шоу-ѕвезда“
Во своето најново соопштение, партијата жестоко го критикува фактот што лице осомничено за предизвикување сообраќајна несреќа со смртни последици, наместо да се соочи со правдата, успеа да ја напушти државата и сега од странство добива статус на наводна жртва. Од ЛДП ги оценија пораките кои пристигнуваат од Софија како „скандалозни и грозни“, додавајќи дека тие говорат за земја во која постои целосно помрачување на владеењето на правото.
-
Вонземјанин
699 ден
524.25 ден
Особено остри критики беа упатени и кон одбраната на Михајлова. Според партијата, нејзиниот адвокат со јавната изјава дека „си ја зеле судбината во свои раце“ извршил кривични дела и пред бугарската и пред македонската правда, создавајќи „вистинска правна хаварија“.
Симптом за нефункционална држава и анархија
Партијата иронично прашува дали воопшто има потреба од судство и министерства кои очигледно не си ја вршат работата, потенцирајќи го апсурдот на македонскиот систем:
- Постои полиција и гранични служби, но лица со одземени пасоши и забрани за излез слободно ја напуштаат државата.
- Има безбедносни камери и целосна контрола на власта, но институциите се нефункционална фарса.
„Пораката е кристално јасна: во Македонија можете да убивате, да крадете, да уништувате и на крајот, слободно да си прошетате во странство и да се сликате како жртва. Ова неодоливо личи на почеток на општ хаос и анархија. Во народот постои огромен бес, кој наскоро ќе мора да го изразиме и да му ставиме крај на ова секојдневно државно тонење“, заклучуваат од ЛДП.
