Младоженецот се „газеше“ од смеа, додека невестата врескаше поради скакулец под фустанот

Една снимка од венчавка стана вирален хит на социјалните мрежи, а сè поради невестата и еден (не)посакуван гостин – скакулец.

Имено, додека Нина, невестата во венчаница, позирала за да го овековечи овој момент со прекрасни фотографии, во кадарот се појавил и „натрапник“.

Скакулец се вовлекол под тесната венчаница, речиси меѓу нејзините нозе, па морало брзо да се реагира. Додека невестата врескала од петни жили „Тргни го, тргни го!“ и панично потскокнувала во место, младоженецот се обидел, но од смеа не можел да ја „спаси работата“. Тој едноставно не можел да престане да се смее.

 

Кога фотографот е херој на денот

На помош прискокнала Антонија, која била задолжена да ги создаде прекрасните романтични фотографии од венчавката.

„Голема предност е кога за венчавка ќе ангажирате фотографи од село“, пишувало во описот на снимката.

Снимката ја објавило „Студио Гашпар“, а под видеото се јавувале и други жени кои имале слична ситуација на својата венчавка.

Повеќе од само инцидент – кошмар за невестите

„Кај мене ги имаше мал милион под секој слој од венчаницата“, напишала една невеста која доживеала слична ситуација.

„Ова сум јас на сликањето на мојата венчавка. Ми влегоа скакулци под венчаницата, почнав да врескам, не се сликав повеќе“, се редеа коментарите.