„Не јас, туку Западот ја почнa војната“: Путин грми од Индија, Зеленски го нарече „овој господин“

Путин од Њу Делхи со порака до Зеленски и Трамп: „Не ја започнав јас оваа војна, а Зеленски ги става националистите пред народот“

Рускиот претседател Владимир Путин, за време на својата дводневна посета на Индија, даде ексклузивно интервју за „Индија Тудеј“ каде ги коментираше клучните геополитички прашања. Пред средбата со премиерот Нарендра Моди, Путин категорично изјави дека „Русија не ја започнала војната“ во Украина, туку дека вината лежи кај Западот кој ја турнал земјата во конфликт. Говорејќи за украинскиот претседател Володимир Зеленски, тој го нарече „овој господин“ и го обвини дека ги става интересите на „радикалните националисти“ пред доброто на народот, споредувајќи го режимот во Киев со неонацистички.

Доверба во Трамп и енергетски пакт со Индија

Путин изрази уверување дека новоизбраниот американски претседател Доналд Трамп има „искрени намери“ да донесе мир во Украина и да спаси човечки животи, иако призна дека тука играат улога и економските интереси. Во однос на билатералните односи со Индија, рускиот лидер нагласи дека енергетската соработка е стабилна и не е насочена против никого, туку е во заштита на националните интереси. „Ако САД можат да купуваат наше гориво, зошто Индија не би можела?“, праша Путин, истакнувајќи дека над 90% од трансакциите меѓу двете земји веќе се одвиваат во национални валути, заобиколувајќи го доларот.