во

СДСМ алармира за скандал: Со законски измени на ЕНЕР власта ја брише одредбата за уплата на 6% во вториот пензиски столб

Скандал е на повидок откако власта на ЕНЕР објавила предлог-измени на Законот за пензиско и инвалидско осигурување со кои се брише членот 120 за уплата на 6% од придонесите во вториот пензиски столб, обвинуваат од опозициската СДСМ.

Ризик за пензиските заштеди на над 650.000 граѓани

Според СДСМ, доколку не се интервенира законски во овој или во друг закон, бришењето на одредбата значи дека сите придонеси ќе остануваат во првиот столб во Фондот. Оттаму прашуваат дали овој потег значи дефинитивно уривање на вториот пензиски столб, предупредувајќи дека со тоа се доведуваат во ризик пензиските заштеди на повеќе од 650.000 граѓани – сите родени по 1 јануари 1967 година.

Обвинувања за состојбата во Фондот за ПИОМ

Берово те очекува
Pine & Co. – сместување во Берово, Македонија

Од опозициската партија тврдат дека Фондот за ПИОМ е доведен до сериозна финансиска неодржливост и дека во него недостигаат близу една милијарда евра. Дополнително, тие посочуваат дека во изминатите месеци ПИОМ не префрлил околу 50 милиони евра во вториот пензиски столб, пари заработени од работниците, а власта не дала одговор на пратеничкото прашање каде се наоѓаат овие средства.

СДСМ го повика премиерот Христијан Мицкоски јавно да објасни пред граѓаните зошто се брише членот 120, каде ќе се насочуваат парите и какви последици ќе има оваа промена врз идните пензии на осигурениците.

„Христијан Мицкоски треба да излезе и да одговори пред граѓаните зошто се брише оваа одредба, каде ќе се насочуваат средствата и што ќе значи промената за идните пензии на осигурениците“, порачаа од СДСМ.

Кул Маици - Попуст -25%

Напишете коментар

Вашата адреса за е-пошта нема да биде објавена. Задолжителните полиња се означени со *

Родителите на загинатите во „Пулс“ стравуваат од одолговлекување: Одбраната предложила над 200 сведоци

Еди Рама денеска во посета на Охрид: Засилени безбедносни мерки и посебен сообраќаен режим до 17 часот