Тага во ВМРО-ДПМНЕ: Прерано згасна животот на поранешниот претседател на УМС

Тага до небо: Прерано згасна млад живот, УМС на ВМРО-ДПМНЕ се простува од Ратко Даневски

Унијата на млади сили (УМС) на ВМРО-ДПМНЕ со длабоко неверување и тага ја сподели веста за прераната смрт на нивниот истакнат член, Ратко Даневски. Младиот Даневски бил поранешен претседател на Општинскиот комитет на УМС во Виница и важел за исклучително посветен активист.

Во емотивната објава, неговите сопартијци го опишуваат како вреден работник, искрен патриот и одговорен млад човек чие заминување претставува огромна загуба за организацијата и за сите што го познавале. „Почивај во мир, Ратко“, напишаа од Унијата, упатувајќи искрено сочувство до неговото семејство и најблиските.