Весна Љ.
Според информациите од американски извори, воено-транспортен авион „Боинг Ц-17А Глоубмастер III“, кој полетал од базата „Ендрус“ во Мериленд со меѓуслетување во Рига, слетал на московскиот аеродром „Внуково“. Веднаш по слетувањето, на аеродромот бил забележан конвој возила на американската дипломатска мисија, што дополнително ги подгреа шпекулациите за важноста на посетата.
Кремљ без коментар, Кремљ негира официјални средби
-
La Linea v14
699 ден
524.25 ден
Портпаролот на рускиот претседател, Дмитриј Песков, изјави дека нема информации за слетувањето на американскиот авион и дека за оваа недела не се планирани официјални средби меѓу Кремљ и претставници на американската администрација. Иако деталите за агендата се држат во строга тајност, познато е дека Ретклиф и претходно имал комуникација со руските служби, бидејќи во 2025 година посредуваше во ослободувањето на руско-американската државјанка Ксенија Карелина.
„Последниот директор на ЦИА за кого јавно беше потврдено дека ја посетил Москва беше Вилијам Бернс, кој престојуваше во Русија во ноември 2021 година, непосредно пред почетокот на руската инвазија врз Украина.“
Дипломатија зад затворени врати во време на застој
Оваа ненадејна посета се случува во чувствителен геополитички момент, кога мировните и дипломатските напори за ставање крај на војната во Украина се во целосен застој. Иако останува нејасно дали Ретклиф разговара за безбедносна соработка, украинското прашање или други чувствителни теми, потегот покажува дека Вашингтон и Москва и понатаму одржуваат директни канали на комуникација на највисоко разузнавачко ниво.
