Трагедија во училиште во Тајланд: убиен наставник, повредени тројца ученици

Најмалку еден наставник е убиен, а четири лица се повредени во пукање во училиште во Тајланд, северно од главниот град Бангкок, соопштија локалните власти.

Полицијата соопшти дека осомничениот за нападот бил ученик во училиштето. Тој подоцна бил пронајден мртов.

Меѓу повредените има тројца ученици

Потполковникот Дечрапи Конгди, командант на полицијата во покраината Нонтабури, ги потврдил информациите за жртвите во изјава за „Ројтерс“.

Според неговите информации, меѓу четворицата повредени се еден наставник и тројца ученици.

Student shooter dies by suicide after Nonthaburi school attack; 2 dead, up to 20 injured

A student believed to be the shooter in the attack at Debsirin Nonthaburi School in Bang Kruai district died by suicide after opening fire inside the school on Friday, according to officials… pic.twitter.com/ji5sky38tN

— Thai Enquirer (@ThaiEnquirer) August 7, 2026

Пукањето се случило во Нонтабури

Инцидентот се случил во округот Банг Круаи, кој се наоѓа во покраината Нонтабури, северно од Бангкок.

Полицијата го идентификувала осомничениот како ученик, а надлежните служби продолжуваат да ги утврдуваат околностите што довеле до нападот.