ТРАМПОВ ПЛАН ЗА 51-ТА ДРЖАВА: Дали САД ќе го купат или ќе го окупираат Гренланд

ТРАМП ТРГНУВА ПО ГРЕНЛАНД: Поднесен закон за анексија – најголемиот остров во светот да стане 51-та држава на САД!

Конгресменот од Флорида, Ренди Фајн, официјално го поднесе „Законот за анексија и државност на Гренланд“. Со овој закон му се даваат овластувања на претседателот Доналд Трамп да ги преземе сите неопходни чекори за преземање на островот од Кралството Данска, со цел тој да стане дел од територијата на САД.

„На лесен или на тежок начин“

Претседателот Трамп, познат по својот агресивен пристап во надворешната политика, упати јасна порака до властите во Копенхаген: „Ако не го направиме тоа на лесниот начин, ќе го направиме на тешкиот“. Иако Данска е сојузник во НАТО, администрацијата на Трамп смета дека Гренланд е од витално значење за националната безбедност.

Зошто САД го сакаат Гренланд?

Според конгресменот Фајн, Гренланд не е само ледена маса, туку клучна безбедносна точка. Главните причини се:

• Контрола на Арктикот: Тој што владее со Гренланд, ги контролира новите арктички бродски патишта кои се отвораат со топењето на мразот.
• Безбедносна архитектура: Поставување на ракетни системи и воени бази за одбрана на Северна Америка.
• Природни ресурси: Огромни резерви на ретки минерали и енергенси.

Одговор од Гренланд: „Сакаме да бидеме Гренланѓани!“

Локалните власти на Гренланд експресно ја одбија оваа идеја. Премиерот Јенс-Фредерик Нилсен и лидерите на четири политички партии излегоа со заедничко соопштение: „Не сакаме да бидеме Американци, не сакаме да бидеме Данци, сакаме да бидеме Гренланѓани“. Со население од само 57.000 жители, Гренланд би бил најмалку населената сојузна држава во САД.