ТРАМП СО ПРЕДУПРЕДУВАЊЕ ДО ИРАН: „Подобро да не возвраќате“

Доналд Трамп го предупреди Иран да не возвраќа на нападите извршени од САД и Израел, заканувајќи се со силен одговор

Американскиот претседател преку платформата Truth Social порача дека доколку Техеран одлучи да изврши нови напади, Вашингтон ќе возврати „со сила што никогаш претходно не е видена“. Тој нагласи дека Иран најавил силен удар, но додаде дека „подобро да не го прават тоа“.

Ескалација по воздушните удари

Претходните напади беа насочени кон клучни локации поврзани со иранското раководство. Израелската војска соопшти дека во операцијата биле елиминирани високи функционери, додека од Техеран сè уште нема целосна и независна потврда за сите наведени информации.

Според извештаите, нападите предизвикаа одмазднички удари врз Израел и американски позиции во регионот, што дополнително ја зголеми тензијата на Блискиот Исток.