ТУСК СО МОЌНА ПОРАКА: Полската армија наскоро ќе биде најголемата во цела Европа!

Настанот беше организиран и по повод 106-годишнината од историската Варшавска битка. Премиерот нагласи дека Полска во моментов гради огромни одбранбени капацитети како директен одговор на сложената геополитичка ситуација во светот и регионот.

Најголема армија во Европа

Според Туск, масовното превооружување на Полска не е поттикнато од амбициите на поединци политичари, туку од суштинската потреба земјата да ја зајакне својата безбедност во услови на драстично променетата безбедносна средина на стариот континент.

„Нашата армија, нашите вооружени сили наскоро ќе бидат најголеми во Европа. Уште денес можеме да кажеме дека создаваме сила која ќе ја одредува судбината на регионот – модерна, бројна и која ќе предизвикува восхит во целиот свет, особено кај нашите сојузници“, рече полскиот премиер.

Тој пред присутните децидно заклучи дека слабоста повеќе не е опција за Варшава. „Не сакаме нови битки. Сакаме да избегнеме војна, но тоа може да го направи само оној кој е силен, подготвен, вистински независен и суверен,“ истакна Туск.