Уште еден пеколен ден до 40°C, а од четврток пресврт

Времето денеска ќе биде сончево и многу топло, со мала до умерена облачност. Ќе дува слаб до умерен ветер од северен правец, кој долж Повардарието повремено ќе засилува.

Минималните температури ќе се движат од 14 до 20 степени, додека дневните максимални ќе достигнат од 35 до 40 степени.

Во Скопје до 39 степени

Во главниот град се очекува сончево и многу топло време со мала до умерена облачност. Ќе дува слаб до умерен северен ветер.

Минималната температура во Скопје ќе се спушти до 21 степен, а максималната ќе достигне 39 степени.

Од четврток пристигнува нестабилност

Според прогнозата на УХМР, многу топлото време со мала до умерена облачност ќе продолжи и во среда.

Промена се очекува во четврток и петок, кога наместа ќе има пороен дожд, засилен ветер и грмежи.

„Повремено процесите ќе бидат во форма на невреме, а температурата ќе опадне за неколку степени“, соопшти Управата за хидрометеоролошки работи.