Франција ѝ врати удар на Германија: Електронската музика е наше наследство!

Историски момент за културата: Електронската музика стана официјално наследство на Франција

Франција направи голем чекор напред во признавањето на модерната уметност. Министерството за култура официјално ја прогласи електронската музика за дел од националното нематеријално културно наследство. Овој потег, потврден од министерката Рашида Дати, е првата фаза кон крајната цел – добивање заштитен статус од УНЕСКО, следејќи го примерот на берлинската техно сцена.

Макрон пркосен: „Ние ја измисливме електро музиката, не Германците“

Во дебатата се вклучи и претседателот Емануел Макрон, кој со гордост го истакна познатиот „француски допир“. „Ние сме пронаоѓачи на електро музиката, не мора да учиме од никого,“ изјави Макрон, оддавајќи почит на легендарните имиња како „Дафт Панк“, Боб Синклер и „Ер“, кои го прославија овој жанр низ целиот свет.