Бизарна кражба во 5 наутро: Тројца тинејџери уапсени со украдени книги од Државниот архив

Филмска кражба на Божиќ: Тинејџери фатени со полни раце книги украдени од Државниот архив!

Додека Скопје се будеше за најголемиот христијански празник, полицијата имаше полни раце работа со необична група „интелектуални“ крадци. Рано утрово, во 04:45 часот, уапсени се тројца тинејџери кои извршиле кражба во Архивот на Република Северна Македонија.

Ги фатиле на „Партизанска“ со пленот

Според МВР, полициските службеници ја пресретнале групата на крстосницата меѓу булеварот „Партизански одреди“ и улицата „Московска“ (населба Карпош).

Приведени се:

• Е.Д. (18)
• Х.Е. (19)
• Еден 17-годишен малолетник

Сите се жители на Скопје.

Што точно украле?

Кај нив се пронајдени поголем број книги за кои постои основано сомнение дека се одземени од просториите на Државниот архив. Книгите се конфискувани, а полицијата истражува дали станува збор за ретки историски документи или стручна литература. Против младите крадци ќе бидат поднесени соодветни пријави.