во

Временска прогноза за денеска: Претпладне дожд и силен ветер над 80 км/ч, попладне разведрување – од понеделник температури под нулата!

Времето денеска започнува со утрински врнежи од дожд и силен западен ветер на западот од земјава, но во текот на денот се очекува постепено разведрување. Сепак, метеоролозите најавуваат значителен пад на температурите на почетокот од следната седмица.

Утрински дожд и силен ветер, попладне сонце

Во претпладневните часови низ земјава ќе преовладува врнежливо време, проследено со умерен до засилен ветер од западен правец, кој во западните делови повремено ќе достигнува брзина и над 80 километри на час. Во текот на денот облачноста ќе се намалува и ќе настапи разведрување. Минималните температури се движат од 7 до 14 степени, додека максималните дневни ќе достигнат од 14 до 22 степени.

Берово те очекува
Pine & Co. – сместување во Берово, Македонија

Во Скопје во утринските часови ќе има услови за врнежи од дожд, по што ќе следи претежно сончево време. Ќе дува слаб до умерен ветер од променлив правец, а температурата ќе се движи од минимални 10 до максимални 20 степени.

За време на викендот облачно, од понеделник студен бран

Во текот на викендот и на почетокот од следната седмица времето повторно ќе биде променливо облачно со повремени врнежи од дожд со променлив интензитет.

Посериозна промена на временската состојба се очекува од понеделник до средината на работната седмица. Под влијание на студен воздушен бран температурите ќе бележат значителен пад, а на некои места се очекува живата во термометарот да се спушти и под нула степени.

„Од понеделник до средината на работната седмица под влијание на студен воздушен бран температурите ќе бидат во опаѓање, а на некои места се очекува да се спуштат и под нула степени.“

Кул Маици - Попуст -25%

Напишете коментар

Вашата адреса за е-пошта нема да биде објавена. Задолжителните полиња се означени со *

Српскиот парламент пред избор на нов претседател: Тензична дебата меѓу „Студентска листа“ и групата на Вучиќ

ДНЕВЕН ХОРОСКОП ЗА 20 НОЕМВРИ: Пристигнуваат непланирани трошоци, парите задаваат главоболки, а на некои им се закануваат кавги