Економска офанзива во Скопје: 300 бизнисмени од Македонија и Србија бараат нови пазари на голем форум

Македонско-српски бизнис форум во Скопје: Над 200 компании и премиерот Мицкоски на иста маса за зајакнување на економијата

Денеска во хотелот „Александар Палас“ во Скопје се одржува масовен бизнис форум на кој своето присуство го потврдија повеќе од 200 компании и најмалку 300 учесници од двете земји. Настанот, чија главна цел е интензивирање и продлабочување на економските врски меѓу Македонија и Србија, ќе биде збогатен со обраќање на премиерот Христијан Мицкоски. Како вовед во форумот, во просториите на Владата ќе биде официјализиран Меморандум за разбирање, кој ќе го потпишат македонскиот вицепремиер Иван Стоилковиќ и српската министерка за економија Адријана Месаровиќ.

Фокус на прехранбената индустрија: Трговската размена расте, но потенцијалот е многу поголем

Како подготовка за форумот, високите делегации вчера ги посетија капацитетите на „Пекабеско“ и винаријата „Камник“. Заедничкиот заклучок е дека иако оваа година е забележан раст во трговската размена, потенцијалите за соработка – особено во прехранбената индустрија – се далеку од исцрпени. Двете страни се согласија дека постои јасна тенденција и огромен неискористен простор за драстично зголемување на меѓусебната размена и заеднички настап на пазарите.