Весна Љ.
Британската министерка за финансии, Рејчел Ривс, упати остар и дециден апел до моќната група Г-7 за итно забрзување на транзицијата кон чиста енергија. Во ек на глобален нафтен хаос и вртоглав раст на цените на гасот, Лондон смета дека единствениот начин за спас на националните економии е радикално раскинување со фосилните горива. Ривс предупредува дека секое одложување на овој процес директно работи во корист на Русија, овозможувајќи му на Кремљ да профитира од енергетската нестабилност. Оваа стратешка офанзива има за цел целосно да го ограничи влијанието на Москва врз европските и светските пазари.
-
Насмевката на музиката
699 ден
524.25 ден
Заедно со министерот за енергетика Ед Милибанд, Ривс пред партнерите од Г-7 ќе го презентира планот за долгорочна енергетска безбедност кој се потпира исклучиво на обновливи извори и нуклеарна енергија. Тие порачуваат дека зависноста од нафтата и гасот повеќе не носи никакви придобивки, туку само изложеност на непредвидливи шокови. Наместо да се чека стабилизација на глобалните цени, Британија бара масовни инвестиции кои засекогаш ќе ја променат енергетската мапа на светот.
Енергетски штит против воените профитери
Актуелните конфликти на Блискиот Исток дополнително ја зовреа ситуацијата, предизвикувајќи прекини во транспортот на нафта и историски скокови на цените. Ривс оценува дека потпирањето врз нестабилни пазари е „опасна игра“ која мора да прекине со заедничко дејствување на најмоќните економии. Додека некои официјални лица се надеваат на краткотрајни воени дејствија, британските власти се подготвуваат за долгорочна економска војна каде енергијата е најсилното оружје.
Експертите веќе алармираат дека последиците врз глобалната економија ќе бидат трајни доколку не се преземат итни мерки. Лондонски „Гардијан“ пренесува дека Г-7 се соочува со притисок да ја преземе улогата на лидер во оваа зелена револуција. Намалувањето на употребата на фосилни горива не е само еколошко прашање, туку прашање на национален опстанок во време кога енергенсите се користат како политички уцени. Пораката од Даунинг Стрит е јасна: или ќе инвестираме во чиста иднина, или ќе останеме заложници на диктаторите и нафтените барони.
