Колони на Табановце и Богородица: се чека околу 30 минути

Сообраќајот на државните патишта во Македонија се одвива непречено и по суви коловози, но интензитетот надвор од градските средини е зголемен.

На дел од граничните премини веќе се бележат и задржувања поради поголемиот број возила.

Околу 30 минути чекање на Табановце

На граничниот премин Табановце времето на чекање за влез во државата е околу 30 минути.

На граничниот премин Богородица, пак, околу 30 минути се чека за излез од Македонија.

На другите премини нема подолги задржувања

Од Авто-мото сојузот на Македонија информираат дека на останатите гранични премини, од македонска страна, нема подолги задржувања за влез или излез од државата.

Сепак, поради зголемената фреквенција, на возачите им се препорачува дополнително внимание и приспособување на брзината кон условите на патот.

Внимание поради можни одрони

АМСМ апелира да се почитува поставената сообраќајна сигнализација и внимателно да се управува, особено на патиштата низ котлини, речни долини и клисури.

На овие места постои можност за појава на одрони.

Овие делници бараат дополнителна претпазливост

Посебно внимание се препорачува на патните правци Катланово – Велес, Маврово – Дебар – Струга, Виница – Берово и Кочани – Делчево.

Возачите се советуваат да патуваат внимателно и да сметаат на можни краткотрајни задржувања на пофреквентните правци и гранични премини.